Amery: Mil unuaj vortoj

Amery, Heather: Mil unuaj vortoj en Esperanto.

Trezoro da lernigaj ebloj por infanoj de ĉiu aĝo, kaj ankaŭ por plenkreskuloj! Ĝi estas fascina paroliga libro por helpi eklegi en Esperanto, kaj fonto de ideoj por konversacio.

La intenco de la grandformata bildvortaro estas, ke gepatroj kaj instruistoj uzu la libron por interesigi la lernantojn per trovo de la objektoj en la bildoj kaj la vortoj ĉirkaŭaj. Tio kondukos al vigla konversacio pri la situacioj en la bildoj. Ekzemple: Trovu la anasidon! Kiu trinkas lakton? Kion faras la hundo? Kaj tiel plu.

Ĉi tiu tria eldono alportas freŝan vivon al ĉi tiu tre populara libro. La bildoj kaj etikedoj nun inkluzivas objektojn, kiuj aperis en la ĉiutaga vivo nur en la lastaj jaroj. La ilustraĵoj de Stephen Cartwright, el kiuj kelkaj estas tute novaj, donas per siaj abundo da detalo kaj ludema aliro horojn da valora distrado kaj utila amuzo.

Verkis Heather Amery  ilustris Stephen Cartwright, tradukis Edmund Grimley Evans

La antaŭa eldono de 2004 estas ankoraŭ liverebla, je reduktita prezo (L0963br)

.