Behling, Claudia-Maria: Adelfjo Musdetektivo.

Salve! Mi nomiĝas Adelfjo kaj mi estas muso. Kune kun mia familio mi loĝas en la Romi-epoka Karnunto kaj tie mi travivas ekscitajn aventurojn. Ĉi tiu libro kaj la plano sur paĝo 31 akompanas vin dum la korbatiga esplorado de mia urbo.

Claudia-Maria Behling estas doktoriĝinta arkeologino kaj laboras en la antikva urbo Karnunto proksime de Vieno. Post multnombraj sciencaj publicaĵoj ŝi nun starigis al si novan taskon. En vesto de infanlibro ŝi informas kun faka sperto kaj pedagogia lerteco pri la Romia epoko.

La fabela rakonto el la antikva historio gvidas grandajn kaj malgrandajn esploristojn tra Karnunto kaj ankaŭ taŭgas kiel lernakompana legmaterialo por infanĝardenoj kaj elementaj lernejoj.

El germana lingvo (Adolphius als Mäusedetektiv) tradukis Roman Jacobek.