Trevor Steele: La sango-ruĝa flago

Ekssoldatoj revenintaj el la Unua Mondmilito ofte malfacile readaptiĝis al civila vivo (oni pensu pri tiuj, kiuj formis la kernon de la partio de Hitler). Ankaŭ en Aŭstralio iamaj "militherooj", aparte la senlaboraj, estis ekspluatataj de reakciaj politikaj fortoj. Rezultis koleraj rasismaj amasoj de perfortemuloj. Samtempe estis inter naivaj idealistoj multe da entuziasmo por la bolŝevisma regado en Ruslando. Du "frontoj" formiĝis, kaj bataloj estis neeviteblaj. Kaj fone furiozis mondvasta gripa pandemio. Kia ŝanco estis, ke homa amo floru en tiu epoko?

.