Desmet, Petro (verkinto): Praktika fundamento de  Esperanto.

Eldono tutesperanta, Fundmenta Gramatiko, Ekzercaro, Universala Vortaro

Praktika Fundamento? Ĉu la vera Fundamento do ne estas praktika? Jes, ĝi estas, se oni konas minimume unu el ĝiaj kvin naciaj lingvoj! Do, ĉu iu, kiu ne konas unu el la kvin, ne meritas, ne bezonas Fundamenton, aŭ ĉu li uzu ĝin nur kiel ornamaĵon? Tiu ĉi libro do nepre celas ankaŭ ilin!
Sed ne nur ilin! Tiu ĉi libro remetas la Fundamenton en sian tempon. La cititaj nacilingvaj vortoj havis (kaj havas) la signifon/sencon de antaŭ pli ol cent jaroj, sed ĉiuj lingvoj evoluis. Se oni ne atentas tion ĉe konsultado de la originala U.V. oni aŭtomate misinterpretas, kaj pensas ekzakte kapti la sencojn ... sed oni grave eraras.
La difinoj de Kabe, kiuj ĉi tie klarigas la sencojn, datas el la tempo de la apero de la fundamento ... kaj Kabe ankaŭ estis revizianto de la pola parto de la U.V. Liaj difinoj do nepre estas fidindaj redonoj de la tiama akceptita signifo.

Verkis la libron Petro Desmet surbaze de tekstoj de L.L. Zamenhof, K. Bein kaj A. Albault.

La libro jam estis finproduktita 2020, sed pro la pandemio fakte nur povas aperi en 2021.

.