Pavese, Cesare: Inter inoj solaj

Inter inoj solaj estas la lasta romano en la trilogio La bela somero, kies unua romano aperis en Esperanto en 2023 ĉe Itala Esperanto-Federacio , kaj kies duan romanon, La diablo sur la montetoj, eldonis Mondial – samtempe kun ĉi tiu – en 2025. 

En la centro de ĉi tiu lasta romano de la trilogio staras virino, Clelia, kiu liberiĝis el la laboristaro dank’ al profesia sukceso – kaj ekmoviĝas en pli alta socia medio, tamen nur kiel dungitino, sen personaj riĉaĵoj. Ŝi fieras pri sia profesia agado kaj sia emancipiĝo, sed tio nur plukreas ŝian senton de soleco inter la sociaj klasoj. Ŝi baldaŭ okupiĝas nur pri sia kariero en Romo – en modsalono kiu vestas riĉajn klientojn. Ŝia fokuso restas ŝia laboro; en sia privata vivo ŝi evitas konstantajn rilatojn…

El la itala (Tra donne sole) tradukis Carlo Minnaja