Hori, Jasuo: Raportoj el Japanio, vol 15 (2012)

Tiu ĉi "Raportoj" havas nur unu temon: la katastrofo de Japanio, Kronologie ĝi raportas pri la tertremo, la tsunamo kaj la nuklea akcidento e Fukuŝima. Kun trilingva (japana, esperanta kaj angla) nuklea terminareto .

Hori, Jasuo: Raportoj el Japanio, vol 17 (aprilo 2013- marto 2014)

Tiu ĉi "Raportoj" priksribas la katastrofon de Japanio en la tria jaro per monataj artikoloj pri la sekvoj de la tertremo, tsunamo kaj nuklea akcidento en Fukuŝima.

Kniivilä, Kalle: Homoj de Putin - La silenta plimulto de Rusio.

La aŭtoro vojaĝis en Rusio por renkonti subtenantojn de Putin, kies voĉoj malofte aŭdiĝas en eksterlandaj amaskomunikiloj. Tamen ĝuste ili decidos pri la estonteco de Rusio. Ĉu ili kuraĝos riski ŝanĝon?

.

Kniivilä, Kalle: Krimeo estas nia - Reveno de la imperio

Post la anekso de Krimeo fare de Rusio 2014 la aŭtoro veturis en Krimeo kaj renkontis homojn kun tre malsamaj vidpunktoj. Multaj loĝantoj de Krimeo sopiris ŝanĝon, sed ĉu tiu ĉi estas la ŝanĝo, kiun ili deziras?  La libro daŭrigas la rakonton komencitan en la unua libro "Homoj de Putin".

Kniivilä, Kalle: Idoj de la imperio - La rusoj en Baltio

En sia tria libro la aŭtoro veturis tra Baltio kaj parolis kun ruslingvanoj kiuj memoras la duan mondmiliton kaj kun aliaj, kiuj naskiĝis post la falo de Sovetio. Li renkontis ruslingvan barposedanton, kies kelneroj ne rajtas paroli ruse kaj esperantistajn muzikistojn, kiuj ludis al banditoj en la sovaĝaj 1990-aj jaroj.La antaŭaj libroj de la serio estas "Homoj de Putin" kaj "Krimeo estas nia"

Opletajev, Vladimir: Simboloj de Rusio

La libro priskribas historiajn eventojn, naciajn simbolojn, kiuj malkovras la varian kaj senfundan mondon de la rusa popola kulturo. Ĝi konatigas la legantojn kun interesaj historiaj faktoj, kulturaj trezoroj, unikaj geografiaj objektoj de Rusio. Kun nigraj-blankaj bildoj.

Orlandini, Pier Vittorio: Toskana Maremo - 1-a parto Grosseto.

Kulturhistoria priskribo de belega toskana urbeto, pluraj paĝoj kun koloraj bildoj, du mapoj.

Orlandini, Pier Vittorio: Toskana Maremo - 2-a parto Maremo.

Kulturhistoria priskribo de belega toskana regiono: pri lokoj, personoj, arto, historio kaj pri la kuirarto de Maremo, urbeto, pluraj paĝoj kun koloraj bildoj, du mapoj.

Kniivilä, Kalle: La strato de Tanja. Vivo en Rusio 1917-2017

La strato de Tanja en Vasilij-insulo en Sankt-Peterburgo longas apenaŭ unu kaj duonan kilometrojn, sed ĉi tie oni povas trovi la tutan historion de Sovetio kaj la postsovetia Rusio. Tuta jarcento da ordinaraj homoj kun nekutimaj sortoj.

Korina Klodt loĝas ĉi tie en la printempo de 1938, kiam ŝin meze de la nokto vekas fremdaj viroj en malhelaj vestoj, kiuj forportas ŝiajn gepatrojn. Ŝi neniam revidas ilin.

Antaŭ la revolucio la gepatroj de Tanja Saviĉeva havis bakejon en la sama domo. Dum la sieĝo de Leningrado dum la dua mondmilito ŝiaj familianoj malsatmortas unu post la alia. Ŝi notas la datojn en kajereto. Fine sole ŝi restas.

En ŝia apartamento nun loĝas Aleksandr Uralov. Li memoras, kiel homoj dum la milito en Koreio interpuŝiĝis ĉirkaŭ la grandaj tabuloj, sur kiuj la ĵurnaloj de la tago estis gluitaj. Tiam li estis proksimume dekjara. Poste li estis inter la unuaj en la strato de Tanja, kiuj sukcesis aĉeti eksterlandan aŭton.

Tiuj estas kelkaj el la personoj renkontataj en la rakonto, kiu etendiĝas ekde la mondmilito kaj du revolucioj de 1917 ĝis la unua de majo 2017. Vera histo­rio pri la strato de Tanja.

"La strato de Tanja" estas la kvara libro de Kalle Kniivilä, post "Homoj de Putin" (2014, premio Kanava – plej bona faklibro de la jaro en Finnlando), "Krimeo estas nia" (2015) kaj "Idoj de la imperio" (2016, nomumita por la Granda Ĵurnalista Premio en Finnlando).

Tiu ĉi libro aperas samtempe en la sveda, finna kaj en Esperanto.

Boltzmann, Ludwig: Vojaĝo de germana profesoro al Eldorado / Reise eines deutschen Professors ins Eldorado

Ludwig Boltzmann (1844–1906) estis monde fama aŭstra fizikisto. En siaj „Popularaj Artikoloj“ (Populäre Schriften) li raportis interalie pri preleg-vojaĝo al Kalifornio,

La komentoj interalie klarigas la historion de la traduko, la multajn citaĵojn, kiujn Boltzmann enmetis en sian artikolon, kaj lian interesan rilaton al la angla lingvo, ja tre bezonata dum la vojaĝo. Priskribeto de la vivo de Boltzmann referencas al pli ampleksaj biografioj germanlingvaj.

Eldono en esperanta kaj germana lingvoj.

La raporton elgermanigis Hans Michael Maitzen, profesoro de la Universitato de Vieno, kie ankaŭ Boltzmann iam instruis. Pri la komentoj kunlaboris Renardo Fössmeier.