Steele, Trevor: Flugi kun kakatuoj

Originale en Esperanto verkita romano.

.Estas la lastaj jardekoj de la 19-a jarcento, kaj eŭropaj potencoj ŝajne nehaltigeble kolonias aliajn kontinentojn. En la brita kolonio Okcidenta Aŭstralio blankaj setlantoj ignoras la rajtojn de la aborigenoj, murdas aŭ forĉasas ilin de la tradicia teritorio, aŭ permesas al ili resti kaj servi kiel senpagaj laboristoj sur nove kreitaj bienoj.
Billy Dixon estas naiva, deca juna angla enmigrinto, kiu esperas riĉiĝi en la kolonio. Lia provo trovi oron fiaskas. Jangabara estas multtalenta junulo de la tribo Banubi, elpelita pro sia ignoro de seksaj tabuoj.
Billy kaj Jangabara, du soleculoj, amikiĝas sur bieno. Sed la konflikto de la rasoj ŝiras la fadenon de ilia amikeco. Jangabara devas oferi sian blankhaŭtan amikon por esti ree akceptita de sia tribo. Tuj li iĝas la militestro de la Banubi, kiuj vivas protektataj de altaj klifoj kaj sennombraj kavernoj. Jangabara komprenas la blankulan pensmanieron kaj krome pafas per fusilo pli bone ol ĉiuj blankuloj, kies “supereco” fakte baziĝas sur superaj armiloj.
Unue per perforto, poste per neperfortaj metodoj, Jangabara sukcesas dum kelkaj jaroj haltigi la blankulan invadon. Sed perfido de interne kaj senĉesaj kampanjoj de la polico certigas, ke la afero finiĝos tragedie.

Steele, Trevor: La fotoalbumo fermiĝas

Apendico, fakte "ferma libro" al Fotoalbumo volumo 1 kaj volumo 2.

La aŭtoro de la unuaj du volumoj de “La fotoalbumo” jam delonge mortis, sed deziris, ke la verko estu daŭrigota. Nun venas la “ferma” volumo pri la historio de familio O’Shea, verkita de homo luktanta kun mortiga malsano.

»Ich schreibe nicht einfach um zu schreiben, sondern um mit meinen bescheidenen Möglichkeiten aufzurütteln, die Welt vernünftiger und gerechter zu machen.« So Hans Weinhengst über sein Buch "Turstrato 4", das 1934 in Esperanto erschien und jetzt auch in deutsch voliegt. "Eine ungeschönte Sozialstudie der Arbeiterklassse im Wien der 1930-er Jahre". Aus dem Esperanto übersetzt von Christian Cimpa, mit einem Nachwort von Kurt Lhotzky.

Afolaranmi, Adebayo Ola: Ronke la ĵaluzulino.

Tiu ĉi dramo de la evangelia ekleziulo Afolaranmi estas homa dramo, instruo pri la homa konduto, riĉega scenejo de homaj kredoj kaj tradicioj.

Argus (Friedrich Ellersiek): Pro kio?

En 1920 la germana eldonejo Esperanto-Verlag Friedrich Ellersiek publikigis la krim-romanon Pro kio? – de aŭtoro kun la pseŭdonimo Argus, kiu poste montriĝis la posedanto de la eldonejo, Friedrich Wilhelm Ellersiek (1880-1959). Malgraŭ ĵurnalisma sperto, i.a. kiel redaktoro de Germana Esperantisto (1910-1914), li verkis nur unu romanon: tiun ĉi romanon pri krimo. La unua krimromano en la historio de la Esperanto-literaturo.

.

Auld, William: En barko senpilota.

Plena originala poemaro de la elstara esperantlingva poeto.

Krom la poemaro kelkaj akompanaj tekstoj prilumas la verkon de William Auld:

Aldo de Giorgi: Enkonduko

Regulo Perez: Amble kun William Auld

Edwin de Kock: La poeto William Auld

Rejna de Jong: Pesnoj de danka leganto

Marjorie Boulton: Nacilingvaj literaturaj influoj sur la poemojn de Auld

Hemry Vatre: Vort-statistikaj esploroj en poemoj de Auld

Redaktis Aldo de Giorgi.

Auld, William (red): Nova Esperanta Krestomatio.

Klasikaj ekzercoj, originalaj rakontoj, ĉerpaĵoj el la mondliteraturo, studoj "el vivo kaj sciencoj", prilingvaj artikoloj.

Bonege uzebla libro por lernantoj, kiuj samtempe ne nur lernas la ingvon, sed ankaŭ ties literaturan evoluigon.

Auld, William: Pajleroj kaj stoploj - elektitaj prozaĵoj.

Okaze de la 50-jariĝo de lia serioza verkado en Esperanto Auld kolektas eseojn, rakontojn, tradukojn, kaj aliajn kontribuojn al la esperanto librokulturo.

.

Austin, Manjo: Insulo de revoj.

Originala romano pri am-travivaĵoj de virinoj en Italio.

Baghy, Julio: Pilgrimo.

La dua poemaro de Bahgy, alternas ampoemoj, filozofiaj versdrametoj kaj movadaj versaĵoj.