Patas d´Illiers, Laure: Sur blua planedoj - sciencfikciaj noveloj

Kio kaŝiĝas en asteroido enfosiĝinta en glacian grundon? Kial Mila malaperis el la reto? Kiam surteriĝos la nevola kosmoŝipisto? Kia amuzparko kreiĝos sur Proteo? Kiel gepatroj el la 22a jarcento silentigas sian bebon? Kies homkorpo vendiĝas en disaj partoj? Kiom da jarcentoj amo kapablas trairi? Kie pluvivi dum klimataj tutteraj katastrofoj? Kiu murdis Karlo Darvino? Ĉu artefarita intelekto solvas niajn problemojn aŭ venigas novajn minacojn?

La originale en Esperanto verkita libro enhavas 22 sendependajn, ofte humurajn rakontojn, pluraj estas mallongaj kaj rapide legeblaj. Ĉi tiu libro tutsimple celas plezurigi vin. Legu, ĝuu!

.

Dabishevci, Donika: Mi venos kvazaŭ la morto.

Donika Dabishevci, albana poetino kaj esploristino de Kosovo, estas aprecata de kritikistoj kiel la plej potenca virina voĉo de la lastaj jardekoj. En la libro kun erotikaj poemoj “Mi venos kvazaŭ la morto” la poetino kantas al la amo; al la amo kiel viva celo, kiel travivaĵo, kiel stato, kiel sperto, kiel legitimigo de la vivo mem, de nia ekzisto.

Ĉar nur la amo valoras en ĉi tiu vivo. Tial la sindoniĝo al la amora sovaĝa pasio laŭ la virino en la poemoj de Donika, estas neevitebla. Ĝi venas kvazaŭ la morto kaj neniel vi povas eskapi de ŝi. Do, ĝi venkas!

Tradukis Bardhyl Adam Selimi

Preußler, Otfried: La malgranda fantomo.

Dum malbona vetero la malgranda fantomo kutime pasigis la fantoman horon en la kastela muzeo, inter malnovaj bildoj kaj kirasoj, inter pafilegoj kaj lancoj, inter sabroj kaj kavaleriaj pistoloj... Sed kion fari, se la fantoma horo subite ne plu funkcias kaj necesas iri inter homojn?

La klasikaĵo de la germana porinfana literaturo prezentas universalan rakonton pri amikeco, kuraĝo kaj infana sprito. Rekomendinda por ĉiu aĝo.

El la germana (Das kleine Gespenst) tradukis Kirilo Brosch.

Kun la originalaj ilustraĵoj de Franz Josef Tripp, tekstoj adaptitaj al Esperanto.

Orzeszkowa, Eliza: Ĉe Nemano

La fama pola verkistino Eliza Orzeszkowa (1841-1910) priskribas en tiu ĉi impona ĉefa verko (aperis 1888, originala titolo Nad Niemnem) la socian vivon de la pola komunumo en la litovia pejzaĝo ĉirkaŭ la rivero Nemano (germane Memel). 

Temoj estas la kamparaj moroj, konfliktoj inter la regionaj kaj kamparaj nobeluloj, la disvolviĝo de la pola socio post la reformo de cara registaro, la batalo pri posedado de la patra tero. La riverego estis kvazaŭ la muta aŭdinto kaj vidinto de ardaj disputoj, kvereloj, zorgoj de la homoj vivantaj sur ĝiaj bordoj. Ĝi simbolas ne nur forpasadon sed ankaŭ daŭran renaskiĝadon de la vivo.

Vekinte esperon pri libereco, tamen ne forgesinte la gloran pasintecon, ĝi atingis eksterordinaran poplularecon inter la legantoj. 1890 cenzuristoj malpermesis pliajn eldonojn de la romano.

El la pola lingvo tradukis Tomasz Chmielik.

Setz, Clemens J.: Die Bienen und das Unsichtbare

Rilke, Rainer Maria: Leteroj al juna poeto

La libro enhavas la kolekton de famaj dek leteroj skribitaj de la poeto Rainer Maria Rilke (1875-1926) al Franz Xaver Kappus (1883-1966), 19-jara kadeto en Vieno kun literaturaj ambicioj. Kappus korespondis kun la poeto de 1902 ĝis 1908 serĉante konsilojn pri la kvalito de sia poezio.

En siaj leteroj, Rilke respekteme rifuzas recenzi aŭ kritiki la poezion de Kappus, sed anstataŭe konstatas ke "neniu povas konsili kaj helpi al vi, neniu. Ekzistas nur ununura rimedo. Observu vian intencon. Esploru la motivon, kiu devigas vin verki; ekzamenu, ĉu ĝi etendas siajn radikojn en la plej profundan lokon de via koro; konfesu al vi, ĉu vi devus morti, se estus al vi malpermesate verki..." Rilke, en la dek leteroj, klarigas al Kappus sian opinion, kiel poeto devus lerni senti, ami, serĉi la veron en sia provado kom-preni kaj sperti la mondon ĉirkaŭ si. La leteroj ofertas enrigar-dojn en la idearon de Rilke kaj en lian labor-pro-cezon.

La "Leteroj al juna poeto" estas la plej ofte legita libro de Rilke. Ĉiu poeto, ankaŭ la poetoj verkantaj en Esperanto, legu ĉi tiujn leterojn - por profiti de la konsiloj kaj opinioj de Rilke, unu el la plej grandaj kaj respektataj en sia fako.

Tradukita de A. Münz

Andric, Ivo: La ponto super Drino.

Unu el la plej konataj romanoj, kiun Ivo Andric (1892-1975) publikigis 1945.

Li priskribas kronike plurjarcentan historion de regiono en kiu vivas kune homoj de diversaj nacioj, popoloj kaj religioj. La ponto en la urbo Višegrad trans la riveron Drina estas kvazaŭ la konstanta ĉefrolulo de tiu ĉi historia romano. La ponto funkcias kiel ligilo inter la popoloj, kaj sur ties meza pli larĝa parto renkontis homoj, ludis infanoj, revis amantaj paroj kaj okazis ekzekutoj. La romano finiĝas, kiam la ponto estis detruita dum la unua mondmilito. Rekonstruita ĝi nuntempe apartenas al la tutmondaj heredaĵo de UNESKO.

Interalie pro tiu ĉi verko Andric ricevis 1961 la nobelpremion por literaturo. La libro aperis en la serio Oriento-Okcidento de UEA/UNESKO, volumo 55.

Dasgupta, Manashi: Ses trovnoveloj

Tiu ĉi volumo kunmetas sesopon da noveloj verkitaj de Manashi Dasgupta (1928-2010), konata al la Esperanta legantaro kiel la aŭtoro de Dormanta Hejmaro. Ŝi apartenis al komunumo de inte­lekt­uloj en Bengallando kiuj post la sendependiĝo en 1947 klopod­adis teni antaŭ la socio spegulon kaj kune agadi por konstrui pli justan kaj humanan medion…

En sia beletra verkado Dasgupta sin turnis interalie al la detekt­iva fikcio. Ŝi ja uzas en ĉi tiuj noveloj la ilaron de tiu ĝenro, kiun tamen ŝi remuldas en neatendita direkto. La protagonisto estas ĵurnalisto; fandi en ŝia figuro la ĵurnalistan identecon kun la de­tektiva estigas interplektiĝon de du malsamaj ĝenroj. La rezulto estas verkoformo unika en la novel­arto. La kerno, kompreneble, rilatas al mistero kiun oni deĉif­ras.

La de­tek­tiva fikcio estas unu ĝenro en kiu plej sukcesas teks­toj kon­­tur­iĝantaj laŭ komune konata ŝablono kaj premantaj kuti­majn formajn klavojn. La nuna aŭtoro, kvankam ŝi uzas iujn el la formulaj ŝabloneroj, okupacias la ĝenron kiel aŭtorino. Ŝi tamen ne kontraŭmetas ian esence inan detektivan fikcion kon­traŭ esence virisman, sed uzas la spacon por kontesti kaj reagordi demandojn pri seksaneco en stilo ege memkonscia kaj sin­pri­trakta.

(Subha Chakraborty Dasgupta en sia Antaŭparolo)

El la bengala tradukis al Esperanto: Probal Dasgupta

Anouilh, Jean: Antigona.

Unu el la plej famaj dramoj de la konata franca verkisto, verkita laŭ la malnova temo de la greka tragedisto Sofoklo. El la franca originalo (Antigone, aperis 1946) trad. Roger Imbert.

Auld, William: Pajleroj kaj stoploj - elektitaj prozaĵoj.

Okaze de la 50-jariĝo de lia serioza verkado en Esperanto Auld kolektas eseojn, rakontojn, tradukojn, kaj aliajn kontribuojn al la esperanto librokulturo.

.